برمنگھم یوکے ( رپورٹ:۔ ساجد جنجوعہ کشمیری ) جموں و کشمیر لبریشن فرنٹ یوکے، یورپ کے مرکزی صدر جناب ڈاکٹر مسفر حسن نے اپنے ایک بیان میں کہا ہے کہ جموں و کشمیر لبریشن لیگ کشمیریوں کی اپنی ریاستی جماعت ہے۔ جو جناب کے ایچ خورشید نے بنائی تھی۔ اس پارٹی نے کشمیریوں کو عالمی برادری میں انکا جائز مقام دلانے کے لئے جدوجہد کی۔ جبکہ مسئلہ کشمیر کو حل کرنے کے لئے خورشید فارمولہ دیا۔ اگر کے ایچ خورشید کے افکار اور نظریات کی روشنی میں کشمیر کا مسئلہ حل کیا جاتا تو آج کشمیریوں پر مصائب و الم نہ ہوتے جبکہ منقسم ریاست جموں و کشیر کا بھی ایک باوقار حل نکل آتا۔ مرکزی صدر جموں و کشمیر لبریشن لیگ ڈاکٹر مسفر حسن ( سابق برطانوی کونسلر ) نے کے ایچ خورشید کے نظریات و افکار کی روشنی میں کشمیر کی آزادی کا پیغام برٹش کشمیری کمیونٹی کے گھر گھر پہنچانے کے عزم کا اظہار کیا۔
