عمران خان کا معاشی ویژن مستقبل کے خوشحال پاکستان کیلئے ہے۔ عبدالحمید مغل

سلاؤ۔یوکے ( رپورٹ:۔ ساجد جنجوعہ کشمیری ) عمران خان کا معاشی ویژن مستقبل کے خوشحال پاکستان کیلئے ہے۔ عبدالحمید مغل۔ پاکستانی کمیونٹی راہنماء عبدالحمید مغل نے اپنے ایک بیان میں کہا ہے کہ اس وقت پاکستان میں جو غربت اور مہنگائی کی لہر آئی ہوئی ہے۔ اور پاکستانی عوام اس کا خمیازہ بھگت رہے ہیں۔ اس کی ذمہ دار نواز اور زرداری کی سابقہ حکومتیں ہیں۔ جنہوں نے ملک پر اربوں ڈالرز کا قرض چڑھایا۔ اپنے اللؤں تللؤں اور عیاشیوں کیلئے اپنے سیاسی حواریوں کی فوج ظفر موج کے ساتھ مل کر وطن عزیز کو لُوٹنے والوں سے پائی پائی وصول کرکے اسے قومی خزانے میں ڈالا جائے۔ جبکہ چند ایک پکڑے جانے والے ان بڑے سیاسی لیڈروں کو پروٹوکول اور سکیورٹی کے حصار میں قومی اسمبلی میں تقاریر کے لئے لانے کی بجائے انہیں عدالتوں کے کٹہڑے میں لا کھڑا کرکے قانون کے مطابق سزا دی جائے۔ انہی لوگوں کی وجہ سے آج پاکستان کے عوام مصائب اور مشکلات کا شکار ہیں۔ عبدالمجید مغل نے وزیر اعظم پاکستان جناب عمران خان کے معاشی ویژن کو مستقبل کا ایک مضبوط اور خوشحال پاکستان قرار دیا ہے۔

اپنا تبصرہ بھیجیں